Прокуратурада үз ветераннарын онытмыйлар

Татарстан прокуроры Илдус Нәфыйков һәм Лаеш район башлыгы Михаил Афанасьев Бөек Ватан сугышында катнашкан, 30 ел тикшерү органнарында эшләгән Иван Шкудовны якынлашып килүче Җиңү көне белән котладылар.

Михаил Павлович ветеранга ТР президенты исеменнән һәм шәхсән үзеннән открытка һәм бүләкләр тапшырды. Республика прокуроры Иван Николаевичка прокуратура коллективыннан бүләкләр бирде.

Илдус Нәфыйков һәм Михаил Афанасьев Иван Шкудовка сәламәтлек, озын гомер һәм имин тормыш теләделәр. Аннан соң чәй табыны артында сугышта катнашучы белән әңгәмә кордылар.

Илфат Шәһитов фотосы