Район горурлыгы

Лаеш районында эш сөючән халык яши һәм эшли. Аларның күбесе дәүләтнең югары бүләкләренә лаек булган. 20 кеше Ленин ордены белән бүләкләнгән. Алар арасында - "Столбище" МТСы тракторчысы Петр Павлович Гусев, педагог Вера Владимировна Рылеева, "Казан" совхозы дуңгыз караучысы Вера Васильевна Штатнова.

Ике Кызыл Йолдыз ордены, I һәм II дәрәҗә Ватан сугышы ордены, "1941-1945 еллардагы Бөек Ватан сугышында Германияне җиңгән өчен" медале - Бөек Ватан сугышында катнашкан Михаил Павлович Щеголев менә шундый бүләкләргә лаек булган.