Татарстанда 36 меңнән артык гаилә торак шартларын яхшыртты

Татарстанлылар сатып алган күчемсез милек объектлары нигездә Казанда һәм Чаллыда, шулай ук Түбән Кама, Әлмәт, Питрәч, Яшел Үзән һәм Лаеш районнарында урнашкан. 

Шулай ук Татарстанда яңа йортлар төзелеше дәвам итә. Ярты ел эчендә төбәктә дәүләт кадастр исәбенә Татарстан Росреестры тарафыннан 83 күп фатирлы һәм 6307 шәхси торак йорт тапшырылган инде.

Ведомство җитәкчесе Азат Җәббаров сүзләренчә, күпфатирлы торак йортларга карата дәүләт кадастр исәбен ведомство кыска вакыт эчендә башкара, бу исә инфраструктураны яңартуга һәм төбәк гражданнарының торак шартларын яхшырту өчен уңайлы мохит булдыруга ярдәм итә.

Шулай ук кыска вакыт эчендә көнкүрешкә караган башка күчемсез милек объектлары да куела: торак һәм бакча йортлары, шәхси гаражлар, хуҗалык корылмалары, ярдәмче куллану объектлары һ. б. 

Әгәр документлар электрон рәвештә тапшырылса, законнарда каралган срок өч эш көнен тәшкил итә, әгәр документлар КФҮ аша тапшырылса, кадастр исәбен алу, хокукларны теркәү һәм бер үк вакытта процедура (кадастр исәбенә кую һәм хокукларны теркәү) вакыты биш эш көненнән артмаячак.