Укучыларның әти-әниләре Лаеш мәктәпләренең берсендә балалар туклануын оештыруны тикшерделәр

Дежур булган алтынчы сыйныф укучылары, кулларын юып, башларына махсус башлыклар киеп, өстәлләргә шиповник эремәсе, печенье һәм икмәк куйдылар. Ачык йөзле  аш-су эшчеләре тәлинкәләргә ит һәм кишер белән пешкән бәрәңге өлешләрен салдылар. Балалар аларны иртәнге аш өчен өстәлләргә җайлап кына, тезеп  куйдылар.

Кыңгырау яңгырады, һәм ашханәгә сыйныф җитәкчеләре белән бергә кече сыйныф укучылары керде. Алар бергәләп эскәмияләргә утырып ашый башладылар.

Күпчелек башлангыч сыйныф укучылары тәмле иртәнге ашны бик теләп ашадылар (автор: тәмле- үзем сынап карадым), ә аннан соң сыйныф җитәкчеләре барлык балаларга да алсу алма таратты.

Мәктәптә туклану югары дәрәҗәдә оештырыла. Расланган меню педагогларга да, укучыларга да, ата-аналарга да билгеле. Укучылар тәмле ризыкларны бик теләп  ашыйлар, ә ата-аналар контроле даими рәвештә башкарыла.