Яраткан әниләргә

Гадәт буенча лаешлылар Әниләр көнен бәйрәм концерты белән билгеләп үттеләр.

Бәләкәчләр һәм үсмерләр сәхнәдә хореографик һәм вокаль талантлары белән балкыдылар, үзләренең кадерле әниләренә һәм әбиләренә үзешчән сәнгать номерлары бүләк иттеләр.

Ягымлы ханымнарны Лаеш районы башлыгы Михаил Афанасьев котлады, аларга иминлек, мәхәббәт һәм гаилә бәхете теләде. Ул күп балалы хатын-кызларга чәчәкләр, икенче балалары туган яшь әниләргә ана капиталына сертификат, ә аларның беренче балаларына - зур йомшак уенчыклар тапшырды.