Басуларны кардан тиз арада азат итү үсемлекләрнең артык юешләнү авырулары белән зарарлануын кисәтә — Татарстан Республикасы Россельхозцентр

Агымдагы елның 5 апреленә кырларның кар белән каплануы 12-100% тәшкил итә. Мәсәлән, Кама буе районнарының күпчелегендә, шулай ук Апас һәм Буа муниципаль районнарында басуларның кар белән каплануы 100% ка кадәр билгеләнгән.

Шул ук вакытта Әлмәт, Лениногорск, Мөслим районнарында кар эреп бетте диярлек, дип хәбәр иттеләр учреждениедә. 
«Кар эрүенә югары температура режимы, җылы һава торышы ярдәм итте. Хәзерге вакытта кар катламының биеклеге 3тән 50 сантиметрга кадәр. Шул ук вакытта күптән түгел, март уртасында, республика кырларында кар катламы югары булып калды һәм 9-105 см тәшкил итте», — дип төгәлләде «Россельхозцентр» федераль дәүләт бюджет учреждениесенең Татарстан Республикасы буенча филиалы җитәкчесе урынбасары Гүзәл Хөсәенова.

Кар катламының максималь биеклеге 50 см Кукмара районында 86 гектар мәйданда «Вахитово» ҖЧҖдә теркәлгән.
Учреждение мәгълүматлары буенча, гадәттә апрельнең беренче декадасы ахырына республика территориясенең 2/3 өлешендә уртача биеклеге 20-30 см булган кар катламы саклана.

Республиканың көньяк-көнчыгыш һәм көнчыгыш Кама аръягы районнарында кырларны кардан тиз арада азат итү көзге бөртекле культуралар чәчү өчен уңай, чөнки бу аларның артык парлану авырулары белән зарарлануын кисәтә. «Башкача әйткәндә, тирән кар астында озак вакыт булу нәтиҗәсендә үсемлекләрнең өлешчә яки тулысынча хәлсезләнүдән үлүен кисәтә», — дип аңлатты Гүзәл Хөсәенова.

Көзге культуралар чәчүлекләренең торышын 10-12 көннән соң, үсентеләр үсү билгеләре яхшы күренеп торганнан соң, төгәл бәяләү күздә тотыла: яшь ак тамырлар, ачык яшел яшь яфраклар.
«Россельхозцентр» ФДБУның Татарстан Республикасы буенча филиалы.