Лаеш районы - социаль-икътисади үсеш рейтингында лидерлар өчлегендә

Гыйнвар ае өчен гомуми рейтингта Казан (беренче урын), Әлмәт (икенче урын) һәм Лаеш (өченче урын) муниципаль районнары алдынгы урыннарны били. Безнең район республикада теркәлгән эшсезлекнең иң түбән дәрәҗәсе белән аерылып тора - 0,2%, ә Татарстан буенча ул 0,56% тәшкил итә. Шулай ук Лаеш районы җан башына исәпләгәндә торак файдалануга тапшыру буенча лидерлар рәтендә - 0,280 кв. метр, ә республика буенча уртача 0,065 кв. метр.