Аграрийлар өчен һәр кояшлы көн мөһим

Урып-җыю кампаниясе вакытында һава торышы үз шартларын куя, шуңа күрә үзгәреп торган хәлгә оператив якын килү һәм кирәкле карарлар кабул итү мөһим. Лаеш районында урып-җыю кампаниясе штабы эшли. Авыл хуҗалыгы һәм азык-төлек идарәсе (УСХиП) белгечләре басулардагы хәлләрне даими күзәтеп торалар.

- Кояшлы һәм аяз һава торышы сакланса, урып-җыю план буенча барачак, - диләр УСХиПда. - Әмма яңгырлар башланса, хәл кискен үзгәрергә мөмкин. Ашлык өлгереп җиткән инде, ә аны вакытында җыеп алмасаң, ул башакта ук үрә башлаячак. Менә шул чакта уңыш зур югалтулар кичерергә мөмкин. Моннан тыш, чәчү өчен билгеләнгән уҗым ашлык тамырда килеш кибәргә тиеш, аны элеваторда киптермиләр.

7 сентябрьгә алынган мәгълүматлар буенча, Лаеш районында бөртекле культураларның уртача уңышы гектарыннан 31,8 центнер (ц/га) тәшкил итә. Бу узган елга караганда югарырак. Кайбер хуҗалыклар тагын да югарырак күрсәткечләргә ирешәләр. Мәсәлән, Илнур Сәетов КФХында - 41,5 ц/га, Гафур Зарипов КФХында - 40,6 ц/га, ТатНИИСХда – 38,7 ц/га, Радик Вафин КФХында – 37,8 ц/га. Күпчелек хуҗалыклар (киптерү җайланмалары булганнардан тыш) ашлыкны саклау һәм киптерү өчен элеваторларга тапшыралар.

Урып-җыю кампаниясе ахырына якынлаша. Районның әйдәүче хуҗалыклары бөртекле культуралар урып-җыюны төгәлләделәр һәм туфракны төп эшкәртүгә керештеләр. Болар - «Нармонка» ЧҖҖ (2628 га бөртекле культура суктырылган), Вафин Р.К. КФХ (1780 га), «Урта Девятово» ЧҖҖ (1261 га), ТатНИИСХ (780 га), Зарипов Г.Б. (620 га). Иң яхшы механизаторларны акчалата премияләр һәм мактау грамоталары белән бүләклиләр.

Авыл хуҗалыгы хезмәткәрләре алдагы көннәрдә яхшы һава торышы сакланыр һәм үстерелгән уңышны җыеп алырга мөмкинлек бирер, дип өметләнәләр.