Сокурыда кече бизнес уңышлы үсә

Сокуры җирлегенә ике торак пункт керә – Сокуры һәм Обухово авыллары. Казанга һәм Лаешка якын урнашу белән бәйле төстә, монда яшәүчеләрнең күбесе җирлектән читтә эшли. Ләкин соңгы вакытта муниципалитет территориясендә эшләүче гражданнарның даими артуы күзәтелә. Бу җирлекнең торак пунктлары территорияләрендә кече бизнес предприятиеләре саны арту, шул исәптән “Сокуры” сәнәгать мәйданчыгы һәм асфальт-битум заводы (АБЗ) территорияләре үсеше белән бәйле.

Җирлектә 16 сәүдә объекты уңышлы эшләп килә. Алар арасында билгеле эре сәүдә челтәрләренең өч яңа бинасы һәм шәхси эшмәкәрләрнең зур булмаган кибетләре. Аларның берсе йорт теплицаларында берьеллык һәм күпьеллык чәчәк үсентеләре үстерү белән шөгыльләнә. Продукция сезонлы чатырда сатыла, шулай ук соңгы елларда мәктәп, балалар бакчасы һәм җиһазландырылган сквер тәэмин ителә. Керамзит һәм бетон блоклар, боҗралар һәм брусчатка ясау буенча предприятие дә беренче елын гына эшләми.

Элекке АБЗ җирләрендә чәнечкеле тимерчыбык чыгару буенча җитештерү һәм административ корпуслар төзелеше бар. Монда, инде төзелгән өч корпуста, газ һәм газ-конденсант чыганакларының технологик җайланмаларын, газ сепараторлары блокларын җитештерү һәм китереп бирү уңышлы оештырылган.

Дүртенче ел эшләүче «Сокуры» сәнәгать паркы территориясендә 20дән артык резидент эшли. Монда теләсә нинди катлаулылыктагы металл конструкцияләр һәм тент каплаулар җитештерү, төзелеш күтәргечләрен һәм җайланмаларын ремонтлау һәм аларга хезмәт күрсәтү, сәламәт продуктлар һәм чәй үстерү һәм төрү буенча эшчәнлек алып барыла. Төрле үләннәр чәчүлекләрен киңәйтү өчен авыл хуҗалыгы билгеләнешендәге җир участокларын милеккә рәсмиләштерү буенча эш алып барыла. Яңа резидентлар бетоннан һәм пластик арматурадан эшләнмәләр, фетрдан киемнәр һәм медицина учреждениеләре өчен тукылмаган материаллар, торак һәм торак булмаган биналар төзү өчен стена блоклары, агачтан төзелеш конструкцияләре һәм агач эшләнмәләр, җылыткыч җитештерү буенча корпуслар төзү белән шөгыльләнәләр.

-Эш урыннарын арттыруга халыкның тормыш сыйфатын күтәрүгә юнәлтелгән федераль, республика һәм муниципаль масштаблардагы күпсанлы проектлар һәм программалар да булыша, - дип аңлата авыл җирлеге башлыгы Анатолий Новиков. – Болар барысы да безгә якын киләчәктә авыл кешеләренә турыдан-туры яшәү урынында эшләү өчен шартлар булдыру һәм район һәм җирлек бюджетларына салым кертемнәрен арттыру мөмкинлеге бирә.