Үзмәшгульлек нәрсә ул

Сүз үзмәшгульләр турында бара, алар салым органнарында теркәлмичә торып эшләделәр. Чынлыкта эшмәкәрлек эшчәнлеге белән шөгыльләнүче гражданнар салым органнарында теркәлергә куркалар. Бу режимда теркәлгәннәр дә борчылалар (ә Татарстанда алар 22 мең тирәсе).

ТР икътисад министрлыгының күптән түгел Лаешта булган күчмә баланс комиссиясендә үзмәшгульләр арасына кергән һәм керергә теләгән гражданнар белән очрашу булды.

Яңа салым режимы ТР территориясендә 2019 елның гыйнварыннан гамәлдә. Татарстан Мәскәү, Мәскәү өлкәсе һәм Калуга өлкәләре белән һөнәри керемгә салымны тестлаштыру буенча дүрт сынау төбәге арасына керде.

Иң мөһиме, җыелучыларны үзмәшгуль статусының нинди өстенлекләре булуы кызыксындырды. Шактый күп. Беренчедән, начальниклар юк, үзеңә уңайлы режимда эшлисең. Әмма иң мөһиме, үзмәшгульләргә үз бизнесларын башлап җибәрү җиңел, алар легаль керем алалар. Эшчәнлекне исәпкә алу гади – бухгалтер кирәкми, ә отчетлар һәм чигерүләрне “Минем салым” өстәмәсе ясый. Салымны 13% урынына бары 4% (физик затлар белән эшләгәндә) яки 6% (юридик затлар белән) түлиләр. Банктан кредит алу мөмкинлеге бар, чөнки үзмәшгульләр салым түлиләр һәм керем турында белешмә ала алалар.

Үзмәшгуль – бу яңа салым режимы, ул үзенә эшләүчеләрнең барысына керемнәрен легальләштерү мөмкинлеге бирә.

Очрашуга килүчеләрдә тагын бер сорау туды: әгәр ниндидер вакыт аралыгында бизнес алып барылмаса, салымнар түләнәме әллә юкмы. Монда да барысы гади: салым күрсәтелгән керемнән генә түләнә.

Үзмәшгуль булу өчен бушлай “Минем салым” өстәмәсен алырга һәм теркәү үтәргә кирәк.

Казанда “Үзмәшгульләргә ярдәм үзәге” АНО төзелгән. Проект үзмәшгульләргә яңа салым режимына төшенүдә булыша. Аңа нигез салучы Лиана Пахарева нинди бизнес белән шөгыльләнү кирәклеге, үз товарларыңны һәм хезмәтләрне кайда сатып булуы турында сөйләргә һәм башка сорауларга җавап бирергә әзер.

Күп кенә такси йөртүчеләр, кондитерлар, флористлар, сантехниклар, репетиторлар, чәчтарашлар, маникюр осталары, төзүчеләр үзмәшгульлекне сайладылар инде.