Лаеш районында – Казан – Оренбург трассасында булган юл һәлакәтен видеога төшергәннәр

Лаеш районының Олы кабан авылы янында – Казан – Оренбург трассасында булган юл һәлакәтен видеога төшергәннәр.

"Татар-информ" агентлыгы ачыклаганча, Казан – Оренбург трассасының егерменче чакрымында – Лаеш районында "Лада Гранта" һәм "Хонда Аккорд" автомобильләре бәрелешкән.

Шаһитлар әйтүенчә, авариядә "Лада Гранта" автомобиленең шоферы һәм пассажиры зыян күргән.

Янгын сүндерүчеләр һәм коткаручылар "Лада"ның кысылып калган шоферын салоннан чыгарган.