Руль артында эчкечелек белән көрәш дәвам итә

2017 ел эчендә мондый 123 бозучы ачыкланган булган. Исегезгә төшерәбез, транспорт чарасы белән исерек килеш идарә  иткән яки транспорт чарасы белән идарә итүне исерек затка тапшырган өчен ел ярымнан ике елга кадәр йөртү хокукыннан мәхрүм ителү һәм 30 мең сум күләмендә штраф яный. Исереклек торышына медицина тикшеренүе узудан баш тарткан өчен дә шундый ук җәза каралган. Күптән түгел булган очраклардан: 1 августта Столбищеда “Киа Рио”ның исерек йөртүчесе, йөртү хокукларыннан мәхрүм ителгән килеш, “Лада”га юл бирмәгән. Нәтиҗәдә өч кеше җәрәхәт алган.

Гомумән алганда, төрле хокук бозулар өчен 2018 елда Лаеш районының 300гә якын кешесе йөртү хокукларыннан мәхрүм ителде.