Халык арасында хокук бозуларны профилактикалау

 Җинаятьчелекне профилактикалауның иң яхшы ысулларының берсе – яшьләр ихтыяҗларының социаль бушлыгын үстерүче һәм иҗади ял белән тутыру. Буш вакытны оештыру системасында мәдәният учреждениеләре мөһим роль уйный. Алар халыкны рухи һәм патриотик тәрбияләүдә мөһим социаль бурычларны хәл итәләр. Грамоталы оештырылган ял – бу эмоциональ ярлылыкны һәм интеллектуаль чикләнгәнлекне профилактикалау. Район мәдәният йортлары яшь кешеләргә патриотик, эстетик, гражданлык-хокукый һәм рухи-әхлакый тәрбия бирүгә юнәлдерелгән чаралар үткәрүдә актив катнашалар.

Хокукый тәрбия нигезләре балачактан салына. Яшьләр энергиясен үсеп килүче буынга ватанпәрвәрлек тәрбия бирүгә юнәлтү иң яхшы ысулларның берсе. Ул гражданлык сыйфатларына ия булган – Туган ил патриоты һәм тыныч чакта һәм сугыш чорында гражданлык бурычларын уңышлы үтәргә сәләтле шәхес формалаштыруга һәм үстерүгә юнәлдерелә. Батыр шәхесләр хакында сөйләгәндә, бала күңеленә үтеп керү өчен аларның әхлакый нигезләрен һәм алар гамәлләре асылына басым ясау зарур. Укучыларга хәрби-патриотик тәрбия бирү теориясенә һәм практикага ия булу, аларны һәр яклар хәрби хезмәткә әзерләү, Ватанга лаеклы хезмәт итү буенча үз бурычыңны үтәүгә әзер булу – белем бирү оешмаларында хәрби-патриотик эш бурычларының берсе.

Менә монда балалар хәрәкәтләре һәм оешмалары ярдәмгә килә. Бу балалар һәм яшүсмерләрнең буш вакытларын белеп оештыру гына түгел, ә бәлки аларның яшәеш мохите, социум, бала монда үзен үз фикере һәм карашы булган шәхес буларак таныта. РДШ, Юнармия һәм волонтерлык хәрәкәте кебек балалар иҗтимагый берләшмәләре мең ярымнан артык баланы берләштерә. Укучылар үзидарәсе кысаларында, укучылар район һәм республика дәрәҗәсендә акцияләрдә һәм конкурсларда катнашалар. Сугыш ветераннарының район советы, “Әфганстан ветераннары берлеге” кебек оешмалар балалар белән бергә эш итүгә җәлеп ителәләр.

Урыннарда да, авыл һәм шәһәр җирлекләрендә дә зур эш башкарыла. Халык белән җирлек территорияләрен карап чыгу, социаль яктан имин булмаган затларның яшәү  һәм көнкүреш мөмкинлекләрен тикшерү, бу категория гражданнар белән әңгәмәләр үткәрү кебек чаралар уздырыла. Электә исерек хәлдә хокук бозган затлар белән аңлату-пропаганда эшләре алып барыла. Балигъ булмаганнар белән эшләүгә зур игътибар бирелә. Мәктәпләрдә социаль куркыныч хәлдә булган укучылар һәм гаиләләрне исәпкә алу оештырылган. Административ җәзага тартылган затлар белән даими әңгәмәләр үткәрелә. Экстремизм күренешләренә каршы тору буенча чаралар күрелә, өлешчә, милли һәм дини низагларны кисәтүгә юнәлтелгәннәр.

Сизелерлек дәрәҗәдә таралган җинаятчелек дәүләттән аны прфилактикалауга кырыс, максатчан чаралар таләп итә.