Алар беренчеләр иде

Лаешның беренче сукугычының беренче машинисты

Без күптән һәр квартирда, һәр йортта краннан су агуга, чиләк белән колонкага барырга кирәк булмауга күнектек. Әмма сукугыч элек тә бар иде, ә Лаешның беренче сукугычының беренче машинисты Зеленов Никифор Иванович була.

Ул 1876 елда Арча районында туа. Чиркәү-мәхәллә мәктәбен тәмамлагач, алпавыт аны казылык ясау осталыгына өйрәнү өчен Казанга җибәрә. Әмма ул "казылык эшләре остасы" булмый: казылык ясау технологиясе белән танышкач, укыйсы килми, качып китә. Һәм гомере азагына кадәр казылык эшләнмәләрен ашамый.

Никифор тормышта үз урынын эзли: пыяла кую остасының укучысы була, аннан соң калайчыныкы. Йөк ташучы булып эшләп карый. Самавырлар, тегү машиналары һәм ау мылтыклары ремонтлау остаханәләрендә өйрәнчек була. Аннан соң 40 нчы дәүләт дары заводына хәрби ату коралларын ремонтлау буенча оста булып эшкә урнаша. Беренче бөтендөнья сугышы вакытында Никифор Зеленов өлкән унтер-офицер дәрәҗәсенә ирешә. Яңа чакырылган рекрутларны хәрби әзерлек нигезенә өйрәтү өчен Лаешка җибәрелә.

Сугышка кадәр үк икмәк-күмәч сатучы зур булмаган кибет хуҗасы кызы Прасковья Апполоновага өйләнә. Бер-бер артлы балалары туа: өч уллары һәм дүрт кызлары.

Никифор Иванович кызыксынучан кеше була. Умартачылыкны да үзләштерә. Хәтта районда танылган умартачы булып китә. Аны күп нәрсәләр кызыксындыра. Нинди генә һөнәргә өйрәнмәсен, аны җентекләп үзләштерергә тырыша. Асылмалы йозаклар өчен ачкычлар ясау, самавырлар, тегү машиналары һәм патефоннар ремонтлау буенча танылган оста дәрәҗәсенә җитә. Аучылык белән мавыга, "Аучы һәм балыкчы" җәмгыятенең әгъзасы була.

Лаешта көчле янгыннан соң сукугыч төзиләр һәм суүткәргеч салалар, җиһазлар сатып алалар. Монтаж эшләре өчен Австриядән инженер чакыралар. Дизель ягулыгы белән эшләүче насос Веселой ермагында Казан күпере астында (ул вакытта Веселой ермагы аша күпер шулай атала) урнаштырыла. Янгын вентиле һәм гомуми куллану краны белән суэтем савыт Лаешның үзәк урамы - Оренбург трактына керү урынында торучы агач йортта урнаша. Лаештагы әлеге беренче сукугычның беренче машинисты Зеленов Никифор Иванович була. Ул озак еллар дәвамында лаешлыларны су белән тәэмин итә. Бу вазифада пенсиягә чыкканчы эшли. Ул вакытта яңа сукугыч төзелә һәм сафка кертелә, ләкин башка урында һәм башка җиһазлар белән.

Зеленов Никифор Иванович 1961 елның 9 июлендә вафат була. Лаешта иске зиратта җирләнгән.