Барыбыз да – референдумга!

Лаеш районында 19 ноябрьдә барлык 24 авыл җирлегендә үзара салым буенча референдумнар була.

Тавыш бирү көнендә үз сайлау участогына килә алмаган сайлаучылар 15 - 18 ноябрь көннәрендә сайлау участокларында алдан тавыш бирә алалар. Тавыш бирү вакыты: эш көннәрендә 16.00дән 20.00гә кадәр; ял көнне - 18 ноябрьдә (шимбә) 8.00дән 16.00 сәгатькә кадәр.

Якшәмбе, 2017 елның 19 ноябрендә тавыш бирү 7.00дән 20.00 сәгатькәчә. Сайлау бюллетене РФ гражданы паспорты белән бирелә. Аерым очракларда бу аны алыштыра торган документлар нигезендә дә бирелергә мөмкин, аларның исемлеге гамәлдәге сайлау законнарында күрсәтелгән.

Сайлау участоклары исемлеген газета сайтының "Общество" рубрикасыннан карагыз.