Көрәш буенча Татарстан чемпионаты булды

Лаеш спортчылары көчле көрәшчеләр унлыгына керде.

Турнир Комлы Ковалидагы "Дуслык" спорт- ял итү үзәгендә үтте. Анда 32 командадан 207 спортчы катнашты.

Рәмис Илгамов турнирның баш хөкемдары булды. Аны ачу тантанасында Лаеш район башлыгы Михаил Афанасьев, ТР Көрәш федерациясе башкаручы директоры Равил Хәйруллин, Россия көрәш федерациясе президенты киңәшчесе Мәсгут Камаров катнашты. Команда беренчелегендә Балтач районы вәкилләре җиңү яулады. "Көмеш" - Казанның Идел буе районы командасында, ә Арча районы көрәшчеләре өченче урында. Лаеш районы спортчылары сигезенче булды. Ярышлардан видеоны газета сайтыннан бу адрес буенча карагыз:http://www.laishevskyi/ru