Сабан туе халык бәйрәме

Сезнең барыгызны халкыбызның искиткеч бәйрәме – Сабан туе белән котлыйм! Кыр эшләре төгәлләнүен белдергән бу көн безгә мул уңышка өмет бирә.

Элек-электән басуда эш авыр хезмәт булып саналган, әмма җирдә хезмәт куйган кешеләр иң хөрмәтле кешеләр булдылар һәм бүген дә шулай. Алар эш сөю, Туган илгә һәм җиргә тугрылык  һәм аны ярату үрнәге.

 Бүгенге көндә Лаеш районы кыр эшләрен уңышлы тәмамлады. Авыл хуҗалыгы берләшмәләре һәм җитештерү алдынгылары районыбыз горурлыгы – аларның эшчәнлеге авыл хуҗалыгы тармагы белән бәйләнгән, районыбызның уңышлы икътисади үсеше дә алардан тора. Өлешчә, алар арасында “Нармонка” Агрофирмасы ҖЧҖ, “Вафин Р.К.” КФХ, “Сәетов И.Р.” КФХ, “Зарипов Г.Б.” КФХ, “Гинсбург В.С.” КФХ һәм “Р.Ш. Исхакова” КФХ, “Урта Девятово” ҖЧҖ, “Яратель” һәм “Державин” кошчылык фабрикалары, “Кәүсәр” СХПК бар, аларның продуктлары көндәшлеккә яраклы, хөрмәт, ышаныч уята.

 Бүген ару-талуны белмәгән авыл хезмәтчәннәренә ихлас күңелдән рәхмәт белдерәм, киләчәк уңыш язмышы һәм районның азык-төлек иминлеге аларга бәйле. Аларның фидакарь хезмәте яңа уңышка һәм Лаеш районының икътисади үсешенә нигез салды.

Бүген югары технологияләр һәм фәнни эшләнмәләр чоры, кул хезмәте автоматлаштырыла, шул сәбәпле авыл хуҗалыгы предприятиеләрендә эш җиңеләя. Әмма безнең игенчеләрнең зирәклеге, тәҗрибәсе, белемнәре һәм күнекмәләре шул килеш кала.

 Сабан туе безнең районда яшәүчеләрнең көтеп алган һәм яраткан бәйрәме. Ул бәйрәм мәйданында төрле яшьтәге, төрле милләт вәкилләрен берләштерә. Бу бәйрәм яхшы кәеф һәм бәхет алып килсен! Кадерле дуслар, барыгызга нык сәламәтлек, имин тормыш һәм уңышларның мул булуын телим. Сезнең йортларда һәрчак татулык һәм иминлек, муллык хөкем сөрсен! Бәйрәм белән!

Лаеш муниципаль район башлыгы И.Ф. Зарипов