"Просто Молоко Агро" авыл хуҗалыгы предприятиесендә елга йомгак ясадылар. Яңа ел алдыннан Лаеш районы авыл хуҗалыгы һәм азык-төлек идарәсе начальнигы Марсель Мотыйгуллин югары күрсәткечләр белән котлады һәм алдынгы эшчеләрне бүләкләде.
Автор фотосы
Кече Елгада "Сөт иле" ЧҖҖнең җитәкчелеге алышынып, предприятие исемен "Просто Молоко Агро" ЧҖҖгә үзгәрткәнгә елдан артыграк вакыт үтте....
"Просто Молоко Агро" авыл хуҗалыгы предприятиесендә елга йомгак ясадылар. Яңа ел алдыннан Лаеш районы авыл хуҗалыгы һәм азык-төлек идарәсе начальнигы Марсель Мотыйгуллин югары күрсәткечләр белән котлады һәм алдынгы эшчеләрне бүләкләде.
Автор фотосы
Кече Елгада "Сөт иле" ЧҖҖнең җитәкчелеге алышынып, предприятие исемен "Просто Молоко Агро" ЧҖҖгә үзгәрткәнгә елдан артыграк вакыт үтте. Генераль директор Гомәр Закиров исемне үзгәртү белән генә чикләнмәде. Узган вакыт эчендә хезмәткәрләр составы оптимизацияләнгән, 60 миллион сумга якын акчага өч көч һәм биш технологик агрегат сатып алынган.
Белешмә: хуҗалыкның мәйданы 2600 га, авыл хуҗалыгы җирләре - 3200 га. Мөгезле эре терлек 1100 баш, аларның 600е савым сыер. Эш урыннары 40 ка якын.
Бу авыл хуҗалыгы предприятиесе сыерларның "кара-чуар голшнофриз" токымын үрчетү белән шөгыльләнә. Аларны мөстәкыйль төстә 85 процентка азык белән тәэмин итә. Хуҗалыкта 15 берәмлек техника бар, шул исәптән өч "КамАЗ". Чәчүлекләргә көнбагыш һәм кукуруз чәчелә. Быел кукуруз уңышы гектарыннан 300 центнердан артыграк тәшкил иткән. Уңыш җыю 90 %ка үз техникалары көче белән башкарылган. Печән, силос, сенаж һәм салам әзерләнгән. Хайваннарны тулы кыйммәтле ашату өчен бөртекле культуралар һәм шротлар сатып алынган.
-Хәзерге вакытта 100 сыерга 74 бозау туры килә, әмма бу әле чик түгел - 90га һәм күбрәккә җиткерәчәкбез, - дип сөйли генераль директор урынбасары Атлас Гайнетдинов. - Быел 70 миллион сумнан артыгракка сөт сатылды, бу узган елгы күрсәткечләрдән өч тапкырга диярлек күбрәк. Җитештерүне механикалаштыру, эш вакыты графигын үзгәртү һәм хезмәт дисциплинасын ныгыту исәбенә хезмәт хакы да артты. Сыер савучылар 30-35 мең сум, урак өстендә механизаторлар 60 мең сумга кадәр, машина йөртүчеләр 40 мең сум алалар.
-Кичә акча түләдек, ә бүген инде функциональ тагылмалы яңа тракторны китереп тә бирделәр, - дип уңышлары белән уртаклаша гендиректор Гомәр Фәрит улы һәм гаять зур, көпчәкләре кеше биеклегендә булган агрегатка күрсәтә. - Җитештерүне үстерү киләсе елга да дәвам иттереләчәк. Продукциянең сыйфатын саклап үзкыйммәтен киметергә планлаштырабыз.
Хуҗалык авыл тормышында актив катнаша: реконструкция ясалган җирле театр өчен җиһазлар сатып алырга акча бүлеп бирелгән. Хуҗалыкка борылышта цилиндрлы печән һәм аларга куелган көпчәкләрдән торучы күңелле паровоз үзенең күзләрен кыскалый. Кеше бит икмәк белән генә яшәми.
Нет комментариев