Без бабабызның кайда җирләнгәнен беләбез. Һәм без моңа шат

Барлык дүрт туган да Бөек Ватан сугышы фронтларында сугышкан. Өчесе әйләнеп кайта, ә Алексей 28 яшендә, Ватанын саклап, һәлак була.

Фото Татьяна Колина архивыннан

Без – аның энеләренең оныклары, без 24, ә бәлки күбрәктер дә... Бабабыз Дмитрийның оныклары күпме икәнен без белмибез. Сугыштан кайткач, госпитальдә дәваланганнан соң, ул Украинада яшәп кала, хәзерге вакытта аның гаиләсе белән элемтә юк. Безнең сүзебез Алексей Семенович – Алексей бабабыз турында. Безгә аны күрергә туры килмәде. Әмма без аның турында беләбез, аны хәтерлибез, аның белән горурланабыз.

Аның тормыш һәм сугышчан юлының дәлилләре – сакланып калган документлар: туу турында таныклык, өйләнешү турында таныклык, аның һәлак булуы турында хәбәр (хәбәрнең күчермәсе 1942 елның 28 октябре белән даталанган); бабаларыбызның үз балаларына сөйләгән, ә алардан безгә җиткерелгән хикәяләре. Тагын фотолар - 1976 елда Алексейның хатыны Мария Михайловнаның туганнар каберлегенә баруы – хатирәләр, ярату, иренең һәлак булган урынында күз яшьләре.

Ерак 1914нче елда, 29нчы март көнне, Семен Андреевич һәм Татьяна Степановна Пачковлар гаиләсендә малай - беренче балалары туа, аңа исемне изге Алексей хөрмәтенә кушалар. Аларның барлыгы унөч баласы була, җидесе генә исән кала. Гаилә Казан губернасының Лаеш районы Астраханка авылында яши (соңрак ТАССРның Лаеш районы). Алексейның балалык еллары туган гаиләсендә уза. Әти-әниләргә ярдәм итә, үз хуҗалыкларында эшли. Яшь егет булгач Казанга китә. 1938 елның 21 ноябреннән 1941 елның 6 октябренә кадәр эчке эшләр органнарында 7 нче милиция бүлегенең участок уполномоченные булып хезмәт итә. Үз гаиләсен кора.

Лаеш районының Сугышчан Дан музее материалларыннан: «Бөек Ватан сугышында катнашучы. 1941 елның 6 октябрендә Казан шәһәренең Сталин РВКсы тарафыннан армиягә алына. 39нчы гвардия дивизиясендә, 112нче гвардия укчы полкы составында телефончы булып сугыша. 1942 елның 11 августында һәлак була. Туганнар каберлегендә - Липки станциясе, Югары Липки авыл советы, Логов районы, Сталинград өлкәсе җирләнгән».

Аның сугышчан гамәлләре өчен бүләк - туганнар каберлеге. Без моннан фаҗига ясамыйбыз, арттырмыйбыз, усал шаяртмыйбыз, ә хәбәрсез югалмаганы билгеле булуына шатбыз. Аның Людмила исемле кызы була, тик аны яшь әти күрә алмаган. Кызы 1942 нче елның гыйнварында туа, ә ул август аенда һәлак була... Аның исеме Пачковлар гаиләсендә яши – энесе Иванның оныгына исемне Алексей бабай хөрмәтенә кушканнар. Алексейга – бабайга - Җиңүгә керткән өлеше өчен рәхмәт!