Лаеш китапханәсендә “Все начинается с Семьи” күргәзмәсе оештырылган

Гаилә кешелек кыйммәтләрен, мәдәниятен һәм буыннарның тарихи дәвамлылыгын саклаучы булган һәм булып кала да. Аннан кешенең тормышы башлана, гаиләдә бала  шәхес буларак, гражданин буларак формалаша. Һәр кешенең уңышында гаилә зур роль уйный, ул безнең һәрберебез өчен язмышның иң кыйммәтле бүләге булып тора.

Үзәк китапханәдә бу бәйрәмгә “Все начинается с Семьи” китап-иллюстратив күргәзмә оештырылган. Биредә гаилә тәрбиясе, гаилә мөнәсәбәтләре психологиясе һәм балаларны тәрбияләү турында әдәбият тәкъдим ителгән.

Әдәби экспозиция киң укучылар даирәсенә исәпләнгән. Ул китапханә фондындагы  мәгълүмати материалларны, нәфис һәм педагогик әдәбиятны үз эченә ала.