Яңа клубта Раштуа

Без яңа клуб ачылуын түземсезләнеп көттек. Поселокта яшәүчеләрнең барысы безнең Раштуага кешеләр чакыруыбызны белә. Гадәттә мин авылдашларымны Раштуа чәенә чакырып белдерүләр язам. Бу гадәткә керде инде. Шуңа күрә быелгы раштуа чыршы бәйрәменә бик теләп килделәр.

Чыршы янында без Кыш бабай, Кар кызы, әкият геройлары катнашында күңел ачу программасы үткәрдек. Бик кызыклы булды. Раштуаны кичкә кадәр алты сәгать дәвамында бәйрәм иттек. Чыршы янына килгән пенсионерлар чакыруыбыз өчен рәхмәтләрен җиткерделәр. Иң мөһиме – яңа клуб ачылуга сөенделәр, бәйрәмнәрдә һәм юбилейларда, Өлкәннәр көнендә мондый җыелу урыны булуга шатландылар.