Яңа ел ыгы-зыгысы

Автор фотосы

Лаеш чыршысы чираттагы мәртәбә муниципаль берәмлекләрнең үзәк чыршыларын иң яхшы бизәү буенча республика бәйгесендә катнаша.

Узган елда Урта Девятово авылы чыршысы җиңде, катнашучыларны карау шуннан башланды. Бәйрәмнең кызган чагында монда яшәүчеләр әйлән-бәйлән йөрделәр, җырлар җырладылар, чыршы һәм кар сыннары янында фотога төштеләр. Аннан соң жюри әгъзалары Лаешка юл алдылар, ә анда ул вакытта үзәк мәйданда күңел ачулар белән кичке бәйрәм бара иде.

“Сәйдәш” халык бию театры яңа ел ыгы-зыгысын ачып җибәрде. Бәйрәмне алып баручылар бер кемгә дә күңелсезләнергә ирек бирмәделәр – хәтта өлкәннәр дә спорт уеннарында катнаштылар, табышмакларга җавап эзләделәр.

Ерак почмактан яңа пешкән балык шулпасы исе таралды. Бәйрәмгә килүчеләр балык шулпасыннан авыз иттеләр, кәефләре тагын да күтәрелде. Бәйрәм Кыш бабай һәм Кар кызы белән уеннар һәм биюләр белән тәмамланды. Без “Яңа ел ыгы-зыгысы” жюрига тәэсир иткәндәдер дип өметләнәбез һәм быел Лаеш шәһәре чыршысы призлы урын алыр. Конкурс нәтиҗәләре 2023 елның февралендә билгеле булачак.