Илдус Зарипов Сабантуйның шатлыгын Пәрәү халкы белән уртаклашты

Бәйрәмгә Лаеш районы башлыгы Илдус Зарипов та кушылды, ул бу вакыйганың әһәмиятен ассызыклады.
Иртәдән үк мәйдан музыка, көлү һәм традицион ризыкларның хуш исләре белән тулды. Авыл халкы һәм кунаклары туендыручы җиргә һәм ата-бабаларыбызның электән килгән гореф-гадәтләренә хөрмәт күрсәтү өчен бергә җыелдылар.
— Сабантуй бәйрәм генә түгел, ул безнең бердәмлегебез, уртак тарихыбыз һәм киләчәк уңышка өмет символы, — дип билгеләп үтте Илдус Зарипов. — Мин бүген монда булуыма, сезнең белән бу шатлыкны уртаклашуыма бик шатмын.

Бәйрәм программасы халык уеннары, спорт ярышлары һәм иҗади чыгышлар белән баетылган иде.

Тамашачылар көрәшне рәхәтләнеп күзәттеләр, анда батырлар көч һәм җитезлек күрсәттеләр. 

Бүрәнәдә капчык белән көрәшү, көянтә белән су ташу һ.б. кебек күңелле конкурслардан башка Сабантуе буламыни инде ул. Анда олылар да, балалар да бик теләп катнаштылар.

Тамашачыларның капчык киеп йөгерүләре күңелле көлүләр уятты.

Пәрәүдәге Сабантуй төрле буын кешеләрен берләштергән күңел бәйрәменә әверелде. Ул халык традицияләрен саклауның, туган җир белән элемтәләрне ныгытуның һәм игенчеләрнең хезмәтенә ихтирамның мөһимлеген тагын бер кат искәртте.
Күбрәк фотоларны түбәндә, мәкаләләр галереясендә карагыз.