Лаеш китапханәсендә Яңа күргәзмәне Илья Репинның 180 еллыгына багышладылар

2024 елның 5 августында атаклы рус рәссамы, Император сәнгать академиясе академигы Илья Ефимович Репинның тууына 180 ел тулды. Аның исеме картиналарын бер тапкыр күрсәң, беркайчан да онытылмаячак рәссамнар исәбенә керә. Ул бөек сәнгать мирасы: портретлар, пейзажлар, көнкүреш һәм тарихи күренешләр калдырган. Аның картиналары безгә мәктәп дәреслекләреннән үк билгеле, без шул чорның бөек кешеләрен — хирург Николай Пирогов, композитор Модест Мусорский, язучы Лев Толстой, химик Дмитрий Менделеев һәм башкаларны портретлар буенча күз алдына китерә алабыз.
«Тылсымлы кисточка тантанасы» күргәзмәсендә укучылар Илья Еимовичның биографиясе һәм аның картиналары тарихы белән җентекләбрәк таныша алалар. Биредә рәссамның тормышына һәм иҗатына багышланган китаплар һәм альбомнар, вакытлы матбугат мәкаләләре, картиналарының репродукцияләре тәкъдим ителгән.