Лаеш районында татар теле һәм әдәбияты, музыка һәм сәнгате декадасы дәвам итә
Россия Герое М.Р. Әхмәтшин исемендәге Атабай мәктәбендә танылган татар язучылары Алмаз Хәмзин һәм Алмаз Гыймадиев катнашты.
Алмаз Хәмзин — популяр юморист, артист, «Чаян» журналында эшли. Ул укучыларга үзенең юмористик шигырьләрен сөйләде һәм үзе иҗат иткән җырларны җырлады. Алмаз Гыймадиев — балалар язучысы, журналист, «Акчарлак» газетасында эшли.
Балаларга тере язучылар белән аралашу бик кызык булды. Балалар авыл кунакларына күп сораулар бирделәр. Язучылар аеруча актив балаларга китаплар һәм журналлар бүләк иттеләр. Гөлфия Сабирова җитәкләгән «Әкият» бию ансамбленең искиткеч чыгышы кунакларга бүләк булды. Язучылар белән җанлы очрашу балалар һәм яшүсмерләр хәтерендә озакка калачак.
Фото: Россия Герое М. Р. Әхмәтшин исемендәге Атабай мәктәбе
Следите за самым важным и интересным в Telegram-каналеТатмедиа
Читайте новости Татарстана в национальном мессенджере MАХ: https://max.ru/tatmedia
Нет комментариев