Лаеш тернәкләндерү үзәге остаханәгә әйләнде

Лаеш мәдәният йортының “Глиняная игрушка” студиясе остасы Айгөл Галләмова узенең тыңлаучыларын Россия буенча интерактив сәяхәткә җибәрде. Ул Татарстан Республикасында халык һөнәрләре барлыкка килүен һәм аның үзенчәлекләре белән таныштырды. Аннары ул яшь осталар өчен балчык белән кул эшләре ясау буенча осталык сәгате уздырды.

Айгөл Нуретдин кызы кайгыртучанлык белән һәр баланы балчыктан уенчык ясарга өйрәтте. Балаларның кулыннан атлар, кошлар, мәчеләр килеп чыкты, бер бала хәтта әҗдаһа  ясаган иде. Үзләренең эшләрен матур төсләр белән буядылар. Бу очрашу нәтиҗәсендә балалар уңай эмоцияләр алды һәм халык иҗаты белән  кызыксындылар.

Татьяна Сәгыйтова фотосы.