«Пушкин картасы» проекты кысаларында «Нәрсә? Кайда? Кайчан?» библиографик уены узды

«Нәрсә? Кайда? Кайчан?» библиографик уены «Пушкин картасы» проекты кысаларында якты вакыйгага әверелде һәм катнашучыларга онытылмаслык тәэсирләр бүләк итте. Уенда катнашучылар танылган интеллектуаль шоу атмосферасына кереп, үзләрен чын белгечләр («знатоклар») итеп хис иттеләр. Команда капитаннары чираттагы сорауны билгеләүче волчокны ышанычлы рәвештә әйләндерделәр.
Барлыгы 19 төрле сорау тәкъдим ителде. Алар логиканы, игътибарлылыкны, тапкырлыкны, рус теле һәм әдәбияты буенча белемнәрне, шулай ук сүзлекләр һәм энциклопедияләр белән эшли белүне сынады. Сораулар катлаулылыгы буенча төрле иде: җавабы күренеп торган гадиләреннән алып, эрудиция генә түгел, ә логик фикерләүне таләп иткән биремнәргә кадәр.
Һәр сорауга җавап бирергә бер минут вакыт бирелде, ләкин кайбер командалар вакытыннан алда җавап бирергә өлгерделәр. «Кара тартма» секторыннан килгән сораулар һәм "тамашачылар«дан алынган җаваплар уенчыларда аеруча зур кызыксыну уятты.
Чара катнашучыларга түбәндәге мөмкинлекләрне бирде:
• төрле өлкәләрдә үз белемнәрен тикшерү;
• фикерләү, нәтиҗә ясау һәм уртак карашка килү осталыгын күрсәтү;
• командада эшли белүнең, башкаларны тыңлауның һәм компромисслар табуның никадәр мөһим икәнен аңлау.
Мәктәп укучылары һәм студентлар «Пушкин картасы» проекты кысаларында узачак чираттагы чараларга да кушыла ала!
Фото: Анастасия Пажитнова.