Туганнары һәм тирә-юньдәгеләр куанычына.

Лаешта яшәүче Владимир Максимов өе янына куелган скульптурага үтеп баручылар сокланып карыйлар.

Матур эт, киң күңелле аю, эшчән кырмыска, шаян колын, тегермән... Боларның барысы аның улы Александр эше.

-Ул беркайчан да скульптура сәнгатенә укымады,- дип сөйли Владимир Яковлевич. -Барысына үзе төшенде. Карады-ясады. Моның белән ул өч ел шөгыльләнә инде.

Өй хуҗасы маңгаендагы тирне сөртеп алды - иртәдән кояш кыздыра. Ә ул иртәдән үк эштә - аю скульптурасын яңарта.

Аның оныкчыклары монда еш була, ә алары өчәү: бер малай һәм ике кыз, тиздән тагы берәү булачак. Владимир Максимов иҗади натуралы кеше. Улына да үз өен төзекләндерүгә омтылыш бирә алган. Туганнарын һәм әйләнә-тирәдәгеләрне сөендерә ул.