Валентина Клюшинаның иҗат кичәсе

-Мин аңа оныклары булган әниләрне – өлкән ханымнарны чакырдым. Кызганычка каршы, аларның концертларда булу, киноларга килү мөмкинлекләре юк диярлек, - дип аңлатып үтә Вера Андреевна. – Аларга игътибар күрсәтәсе, күңелләрен күрәсе килде. Элекке мәдәният хезмәткәрләрен, үзешчән сәнгатьтә катнашучыларны чакырдым.

Чәй табыны артында (һәркайсы үзе чәйгә нәрсәдер алып килде) чәчләре чаларган, бай тормыш тәҗрибәсенә ия, шатлыкларны да, кайгыларны да кичергән кунаклар рәхәтләнеп яраткан җырчылары чыгышын тыңладылар.

-Мин аның өчен генә махсус Рождественога бардым, - диде шаяртып мәдәният бүлегенең элекке машина йөртүчесе Павел Щеголев. – Тавышым яратам.

Валентина Клюшина җырлап кына калмый – гармунда да сыздырып уйный, аны газиз баласын тоткан кебек тота.

Валюша бала чагыннан ук бу музыка коралында уйный башлый. Ничектер  Лидия Русланова башкаруында такмаклар ишетә. Һәм биек шкаф өстендә торган гармунда уйнарга карар итә. Аны көчкә ала, бала куллары ныклап гармунга ябыша. Ә көй чыга бит! Шуннан бирле гармуннан да, җырлардан да аерылмый. Мәктәптә, балалар бакчасында чыгыш ясый. Хәрби егеткә кияүгә чыккач аның белән ил буйлап йөрергә туры килә, җыр һәм гармун кыен чакларны җиңәргә ярдәм итә.

Вакытлар үтә һәм Валентина туган җиренә – Рождественога кайта. Ә анда танылу һәм дан килә. Хәзер аны күп кенә район һәм республика чараларында ишетергә була.

-Менә бу костюмны миңа район тектерде, - дип горурланып сөйли Валентина Павловна. – Ә гармунны район башлыгы Михаил Павлович бүләк итте.

Яңадан җырчы һәм гармунчы белгән күп җырлар, шигырьләр һәм такмаклар яңгырады. Аларның кайберләре тыңлаучыларны көләргә мәҗбүр итте. Икенчеләре күңел кылларын тибрәтте.Ә өченчеләре күзләрдән яшь агызды.

Үзешчән сәнгатьтә катнашучылар халык (исеме буенча түгел, ә танылуы буенча) җырчысын һәм гармунчысын хупладылар, аларның чыгышлары да алкышларга лаек булды.

Халык җырларын талантлы башкаручы Валентина Клюшина белән аралашкан лаешлылар очрашуны оештырган Вера Баннова адресына бик күп җылы сүзләр әйттеләр.

Фотоларны газета сайтының “Фотогалерея” рубрикасыннан карагыз.