Лаешта бәйрәм концерты белән Республика көне билгеләп үтелде

Район мәдәният йорты сәхнәсенә берничә тапкыр «Рябинушка» хореография ансамбле һәм «Алтынчәч» вокаль коллективы катнашучылары чыкты. 

Альбина Латыйпова Камил Вәлиев, «Жизнь прекрасна!» һәм «Апельсинки» группалары вокалистлары белән җырлады.

Диңгез турында күңелле җыр белән Арина Трофимова чыгыш ясады, ә танылган башкаручы Александр Агеев тамашачыларга туган ил, Россия турында җыр бүләк итте. 

Кичәне алып баручы Светлана Арсютова татар эстрадасын башкаручы Фидаил Вәлиуллинны тамашачыларга «Лаеш эстрадасы сандугачы» дип игълан итте. Ул залны үзенең матур тавышы һәм җырның эксцентрик башкаруы белән яулап алды.

Башка башкаручы кебек үк, Нәзир Сабиров та җырлый гына түгел, ә бии дә, үзенең оптимизмы белән бөтен залны янгыратты. Күпләр урындыкларында утырган килеш биеделәр. Татар телендә шулай ук Ранель Азизов, Айгөл Вәлиуллина, Иделия Талипова, Рәсилә Гарифова җырладылар.
«Престиж» ансамбле тамашачыларга "Җиңү биюе«н бүләк итте. Ә «Вдохновение» бию коллективы — үзенең юмористик хореографик постановкасы белән барысын да шатландырды.

Туган як турында матур җыр белән «С песней по жизни» триосы чыгыш ясады.

Бу искиткеч концерт бер сулышта үтте. Тамашачылар «Браво» дип кычкырдылар һәм бу бәйрәм көнендә аларга хисләр һәм онытылмаслык тәэсирләр бүләк иткәннәргә алкышлар җәлләмәделәр.