Лаеш районында волейбол турниры төгәлләнде

Анда район оешмалары һәм предприятияләре командалары катнашты.

Турнирның финал уеннары Комлы Ковалидагы "Дуслык" спорт- ял итү үзәгендә үтте. Ир-егетләр командалары арасында Лаеш үзәк район хастаханәсе спортчылары чемпион булды, мәдәният бүлеге уенчылары көмеш приз алды. Мәгариф идарәсе командасы өченче урында. Хатын-кызлар командалары арасында да Лаеш үзәк район хастаханәсе командасына тиңнәр булмады, икенче урында - педагоглар, мәдәният бүлеге спортчылары өченче булды. Волейбол очрашуларында җиңүчеләргә медальләр, кубоклар һәм призларны ярышларның финал уеннарын күзәткән район башлыгы Михаил Афанасьев тапшырды