ЛАЕШЛЫЛАР КӨЧЛЕРӘК БУЛЫП ЧЫККАН

Лаешның 2 нче мәктәбе хоккей мәйданчыгында узган ярышлар күп тамашачыны җәлеп итте. Өченче урын өчен Комлы Ковали һәм Пәрәү командалары уены нәтиҗәсен буллитлар сериясе хәл итте. 4:3 исәбе белән комлыковалилылар җиңде. Финал уенында лаешлыларга каршы Столбище һәм Усады спортчылары чыгыш ясады. Лаешның 2 нче мәктәбе укучыларыннан торган хуҗалар командасы, уенны 4:1 исәбе белән төгәлләп, үзенең өстенлеген раслады. Турнирның иң яхшы хоккейчыларыннан төзелгән район җыелма командасы якындагы якшәмбедә район данын яклар өчен республика зона ярышларына барачак. Ә 31 гыйнварда район үзәгендә 1997-98 елгы үсмерләр бозга чыгачак.