Лаешта Иске Пристаньда табиб амбулаториясе төзелә
Иске Пристаньда яшәүче лаешлылар күптәннән ФАП төзү мәсьәләсен хәл итүне сорадылар. Аларга медицина ярдәме өчен Лаешка барырга туры килә. Үз машиналары булганнарга район үзәгенә бару бик авыр түгел. Ә менә өлкән яшьтәге гражданнар өчен Лаеш үзәк район хастаханәсенә бару чын проблема.
ФАП кирәклеге мәсьәләсе февраль аенда гражданнар белән очрашуда күтәрелде. Ул вакытта, район башлыгы Илдус Зарипов хәбәр иткәнчә, муниципалитет җитәкчелеге табиб амбулаториясе төзү өчен җир участогы бүлеп биргән.
Бүгенге көндә модульләр, түшәм тулысынча җыелган, эчке эшләр, электр эшләнгән. Хәзерге вакытта куркынычсызлык максатларында дүрт тышкы видеокүзәтү камерасы, пандуслар һәм сәламәтлек мөмкинлекләре чикләнгән кешеләр өчен култыклар урнаштырыла.
Киләсе этап су белән тәэмин итү һәм канализация. Төп эшләр көзгә тәмамланачак.
Яңа бинада фельдшер кабинеты, процедура бүлмәсе, көтү урыннары, хозблок һәм санузел урнашачак. ФАП беренчел медицина ярдәме күрсәтү өчен кирәкле барлык җиһазлар белән җиһазландырылачак.
Следите за самым важным и интересным в Telegram-каналеТатмедиа
Нет комментариев