Халыкара икътисадый форум кысаларында Russia Halal Market хәләл продукция ярминкәсе ачылды

" "Хәләл" продукциясе ярминкәсе үз эшен башлый. Бу вакыйга "Россия – Ислам дөньясы: KazanForum 2023" Халыкара икътисади форумы чараларына старт бирә. Быел ул федераль форматта уза. Һәм без моның өчен Россия Президенты Владимир Путинга рәхмәтле”, – диде республика җитәкчесе.

"Биредә катнашучылар "Хәләл" стандартлары буенча җитештерелә торган ит, сөт һәм яшелчә продукциясен, кондитерлык эшләнмәләрен, шулай ук кием һәм сувенирларны күрсәтә һәм сата алачак. Җирле җитештерүчеләрдән тыш, Иран, Төркия, Сенегалдан безнең чит ил партнерларыбыз да бар”, – дип өстәде ул.

Ярминкәдә  100 эре хәләл продукция җитештерүче үз товарларын тәкъдим итте. 14 мең кв. метрдан артык мәйданлы Агросәнәгать паркының ике залында 400гә якын стенд урнаштырылган.