яңалыклар
2019 елда пенсиягә чыгу шартлары
2019 елдан Россиядә картлык һәм дәүләт пенсиясе белән тәэмин ителүгә хокук бирүче билгеләнгән яшь этаплап арта башлады. Закон яңа параметрларга җайлап күчүне күздә тота, шуңа ярашлы төстә 2019 елда пенсия яше бер елга арта.
Шул ук вакытта арту ярты ел тәшкил итә – яңа пенсия яшеннән алты ай алдан пенсия билгеләүдә махсус ташлама мондый адым ясарга мөмкинлек бирә.Элекке закон шартлары буенча 2019 елда пенсиягә чыгарга тиешле кешеләрнең барысы моннан файдалана ала. Нигездә бу 1964 елда туган хатын-кызлар һәм 1959 елгы ирләр, пенсия яше арту беренче чиратта аларга кагыла. Ташлама исәбенә 2019 елның июленнән пенсиягә чыга башлыйлар.
Следите за самым важным и интересным в Telegram-каналеТатмедиа
Нет комментариев