Лаеш районы башлыгы Илдус Зарипов берничә фермер хуҗалыгында булды

Фермерлар Юрий Мөхетдинов һәм Роза Исхакова белән очрашты. Алар үз эшләрендә органик игенчелек системасын кулланалар. 

Юрий Михайлович үзе экологик чиста ашлама уйлап тапкан һәм җитештерә, ул нәтиҗәлелеге буенча күпчелек химик ашламалардан өстен тора. Органик культуралар үстерә, югары аксымлы борай һәм тиз пешә торган борчак кебек иң чиста һәм файдалы азык продуктларын эшкәртә һәм җитештерә. Шулай ук Чирпыда күркә үрчетү буенча заманча кошчылык фермасын төзеп бетерә.

Роза Шәриф кызы Мирәтәктә Лаеш районында бердәнбер робот фермасы төзегән. Сыерлар өчен органик азык кына файдаланалар һәм саву процессын роботлар башкара. Ферма заманча компьютерлар белән җиһазландырылган һәм хайваннар өчен тынычлык атмосферасы тудыра.

Шикләнмәскә дә була — мондый сыерларның сөте иң туклыклы һәм тәмле.
Менә шундый прогрессив хуҗалыклар Лаеш районында бар. Алар турында тулырак Кама ягы газетасының алдагы чыгарылышларында сөйләрбез. Безне укыгыз.