Лаеш районы Хәерби авылында Галимҗан Гайнетдиновның рухи мирасы яңарды
Узып киткән ял көннәрендә Хәерби авыл клубында якташыбыз, шагыйрь Галимҗан Гайнетдиновның үлгәннән соң дөнья күргән шигырьләр җыентыгын тәкъдим итү кичәсе узды.
Бу чара якташлары өчен онытылмас хәтер бәйрәменә әверелде.Галимҗан абый озак еллар «Ростелеком» компаниясендә техник-механик булып эшләп, Лаеш районы элемтә системасына зур өлеш керткән. Район башлыгы Илдус Зарипов билгеләп үткәнчә, техник һөнәр иясе булуына карамастан, ул искиткеч нечкә күңелле, сирәк таланка ия иҗатчы иде. Район башлыгы шулай ук аның лаеклы ул — Лаеш Якташлыгы рәисе Азат Гайнетдиновны тәрбияләп үстерүен аерым сызып үтте.
Шагыйрьнең иҗатында үзәк урынны Хәерби авылы, Татарстанның гүзәл табигате, гаилә җылысы һәм дуслык кыйммәтләре алып тора. Аның шигырьләрендә туган җиргә булган чиксез мәхәббәт чагыла.
Истәлек кичәсенә аның балалары, оныклары, туганнары һәм авылдашлары җыелды. Сәхнәдән Галимҗан абыйның үз башкаруындагы аудиоязмалар һәм җирле халык укуында моңлы шигырь юллары яңгырады.Яңа җыентык Хәерби авылы китапханәсендә иң мактаулы урынны алачак. Истәлекле очрашу күренекле авылдашыбызның мирасын саклаучыларга рәхмәт сүзләре җиткерү һәм бергәләп фотога төшү белән тәмамланды.
Фото:Айгөл Галләмова
Следите за самым важным и интересным в Telegram-каналеТатмедиа
Читайте новости Татарстана в национальном мессенджере MАХ: https://max.ru/tatmedia
Нет комментариев