Лаеш районында җәмәгать киңлекләренең җәйге сезонга әзерлеге тикшерелде

      Әлеге эшлекле чарада җаваплы подрядчылар һәм объектларның хуҗалары катнашты.Комиссия «Кама диңгезе» яр буе, Собор мәйданы һәм Совет урамының торышын бәяләде.

Бу территорияләр Лаешның визит карточкасы булып тора, биредә җәйге чорда традицион рәвештә республиканың меңнәрчә халкы һәм кунаклары ял итә.

Йөрү нәтиҗәләре буенча район башлыгы профильле хезмәтләргә берничә йөкләмә бирде:

Газоннарда үләнне регуляр рәвештә чабу эшен көчәйтергә;

Чүп-чарны вакытында чыгаруны тәэмин итәргә;

Төзекләндерүнең зыян күргән элементларын оператив рәвештә ремонтларга;

Яр буенда агымдагы ремонт эшләрен кыска сроклы вакыт эчендә тәмамлау бурычы куелды;

Йорт яны территорияләренең торышына аерым игътибар бирелде. «Чисталык үзәк урамнардан гына түгел, ә һәр йортның ишегалдыннан башлана. Идарә итүче оешмаларга үз участокларында үлән чабуны һәм җыештыруны оештырырга кушам. Эшкуарлардан якын-тирәдәге коммерция зоналарын тәртипкә китерүләрен сорыйм — урамнарыбызның тышкы күренешеннән лаешлыларның уңайлылыгы һәм туристларның тәэсирләре бәйле», — дип билгеләде Илдус Зарипов.

Әлеге йөкләмәләрнең үтәлешен контрольдә тоту район башкарма комитеты җитәкчесенә йөкләнде.

ФОТО: Лаишевский official