Татарстанның Баш ветеринария идарәсе мал-туарны кертү кагыйдәләрен искә төшерә

   Моннан тыш, һәр мал партиясе өчен ветеринария озату документлары, шул исәптән 1нче формадагы таныклык рәсмиләштерелүе мәҗбүри. Маллар кайтарылгач, алар 30 көнлек карантин үтәргә тиеш. Хуҗалар биологик иминлекне тәэмин итәргә бурычлы: территорияне кртмаларга, транспортны дезинфекцияләргә һәм хезмәткәрләр өчен кием алыштыру, эшкәртү урыннары (санитар пунктлар) оештырырга кирәк. Маллар тотылган урыннарга чит кешеләрне кертү катгый тыела.
Пастереллез: нәрсә белергә кирәк?
Баш ветеринария идарәсе шулай ук пастереллез — мал-туар һәм кош-кортларның йогышлы авыруы турында кисәтә. Чир контакт аша, әйберләр һәм тирә-як мохит аша йога. Пастереллез үпкә ялкынсынуы, шешенүләр, ринит, артрит, конъюнктивит һәм диарея китереп чыгара.
Инкубация чоры малларда 14 көнгә кадәр, ә мөгезле эре терлектә 90 көнгә кадәр сузылырга мөмкин. Инфекция чыганагы булып чирле маллар гына түгел, ә тышкы яктан сау-сәламәт күренгәннәре дә торырга мөмкин.
Татарстан пастереллез буенча имин төбәк булып калса да, авыруга шик туган очракта кичекмәстән район ветеринария хезмәтләренә яисә идарәнең кайнар линиясенә мөрәҗәгать итәргә кирәк. Малларның сәламәтлеге һәм авыруларны алдын алу — төбәк иминлегенең нигезе.
Автор фотосы