Габишев җирлегенең үсеш нәтиҗәләре турында аның башлыгы Марсель Миндубаев сөйләде

Фото авторы — Денис Фролов. 

1 гыйнварга халык саны 5000 кеше тәшкил итә, шулардан 835 кеше пенсионерлар. 2024 елда 51бала туган, 22 кеше үлгән. 
Бюджетны барлыкка китерүче Габишево предприятиесе — «Яратель» кошчылык фабрикасы «Ак Барс «ПВК» ҖЧҖ филиалы, анда 430дан артык кеше эшли, шул исәптән 204 хезмәткәр — җирле халык.
Габишево авылы мәктәбе Мәхмүт Әхмәт улы Гәрәев исемен йөртә, анда 669 укучы белем ала. Кызганычка каршы, ике сменада укырга туры килә.
Шуңа күрә яңа мәктәп төзүгә ихтыяҗ бар. 

Ата-аналарның баласын «Одуванчик» балалар бакчасына урнаштыру мөмкинлеге бар. Әмма балаларны «Одуванчик» ка урнаштыруга чират бар. 2025 елның 1 гыйнварына ул 140 бала тәшкил иткән.
Шуңа күрә яңа балалар бакчасы төзү мәсьәләсе кискен тора. 
Мәдәни-спорт үзәге авылда мәдәни тормыш үзәге булып тора. Аның барлык белгечләре түгәрәк эше яки спорт секциясе алып бара. Яңа мәдәният йорты һәм универсаль спорт залы төзелеше 2024 елда башланды.

Җирлек башлыгы үзара салым программасына җентекләбрәк тукталды. 
— Акча салырга стимул бар. Мин авылда яшәүчеләрнең барысы да үзебездән генә тора икәнен аңлауларын телим. — диде Марсель Фәрит улы. — Яхшырак яшәү өчен, җирлек үсешенә һәркем үзеннән көченнән килгәнчә өлеш кертергә тиеш.

2024 елда халыктан 2097,1 мең сум җыелган, барлыгы үзара салым 10485,6 мең сум тәшкил иткән. Үзара салым акчалары авыл ихтыяҗларына тотылган.
Звездная урамында 115 метр, Вишневая урамында 117 метр юл ремонтланган. Васильковая урамында 192 метр озынлыкта, Иван Матвеев урамында 99,6 метр озынлыкта һәм Муса Җәлил урамында мәчет янәшәсендә 310 метр озынлыкта яңа асфальт юллар төзелгән,

Ленин урамында 110 метр озынлыктагы яңа тротуар юлы салына.
Гражданнарның үзара салым программасы буенча Моховая, Рябиновая һәм Веселая урамнарында урамнарны яктырту урнаштырылган.
Юллар төзелешенә шулай ук республика программасы буенча да акча тотылган. Идел буе урамына 596 метр озынлыкта асфальт җәелгән. 

Яшьләр проспектында һәм Совет урамында чокырларга ремонт ясалган. Бакча янында яңа машина кую урыннары барлыкка килгән. Яңа мәдәният йортына урамнарны яктырту җайланмасы куеп керү юлы асфальтланган. 
Волонтерлар МХО зонасында хәрби хезмәткәрләр өчен маскировка челтәрләрен үрүне дәвам итә. Шәхси вакытлары белән исәпләшмичә, алар Җиңүне якынайту өчен эшлиләр. Моның өчен аларга зур рәхмәт!
Мобилизацияләнгәннәрнең гаиләләре белән килеп туган проблемаларны хәл итү эше дәвам итә.

— Киләсе ел тарихның төрле чорларында Ватан өчен көрәшүчеләрнең батырлыгына, шулай ук хәзерге геройларга — махсус операциядә катнашучыларга хөрмәт күрсәтү елы булачак, — дип тәмамлады чыгышын җирлек башлыгы Марсель Миндубаев.