53 ел бергә ничек яшәргә: Атабайдан Әбүбәкеровлар гаиләсе сере

Рәфид һәм Нәзимә Әбүбәкеровлар гаиләсе инде 53ел бергә яшәгән ныклы һәм гармонияле мөнәсәбәтләрнең чын үрнәге.
Рәфид Минһаҗ улы һәм Нәзимә Низам кызы бәхетле гаилә корып кына калмыйча, аларның традицияләрен дәвам иткән лаеклы кызлар датәрбияләп үстергән ир белән хатын.

Рәфид Минһаҗ улы гомерен авыл хуҗалыгына багышлый, 40ел агроном булып эшли, Нәзимә Низам кызы баш икътисадчы була. Алар бергәләп институтны тәмамлаган һәм ике искиткеч кыз тәрбияләп үстергәннәр. Гаиләдә оныклар һәм оныкчыклар туа, бу;тагын бер кат гаилә бәйләнешләренең ныклыгын ассызыклый. 

Өлкән кызы Эльвираның ире, Ватанга тугрылыклы булуын һәм гаиләсе алдында җаваплылыкны күрсәтеп, 2023 елдан бирле МХОда булуы аеруча горурлык тудыра.

Рәфид абый һәм Нәзимә апа бер-берсенә һәм тирә-юньдәгеләргә хөрмәт белән караган игелекле һәм хезмәт сөючән кешеләр.

Пенсия яшенә карамастан, алар зур хуҗалык алып баралар: бакчада бәрәңгедән алып виноградка кадәр төрле яшелчәләр үстерәләр, чәчәкләрнең күпсанлы сортлары күзне сөендерә. 

Аларның үрнәге Атабайда яшәүчеләрне рухландыра һәм үзара мәхәббәт һәм ихтирам үрнәге булып тора.

Һичшиксез, Әбүбәкеровлар гаиләсе Атабайда иң яхшыларның берсе, чөнки алар мәхәббәт, хезмәт һәм хөрмәтнең бәхетле тормыш өчен ныклы нигез салуын күрсәтә. Аларның тарихы барыбызга да гаилә традицияләренең мөһимлеген һәм күп еллар дәвамында якыннарыбызга ярдәм итүне искә төшерү.