Диспансерлаштыру — сәламәтлек нигезе

  Күп авырулар башлангыч стадияләрдә симптомсыз үтәргә мөмкин, шуңа күрә хәлгә генә таяну — җитәрлек түгел. 

«Дәвамлы һәм актив тормыш» милли проекты россиялеләрнең сәламәтлеген саклауга юнәлдерелгән. Проектның төп инструментларының берсе — даими медицина тикшерүләре системасын үстерү.

Россия Сәламәтлек саклау министрлыгы мәгълүматларына караганда, диспансеризация узган кешеләрнең 70% х хроник авырулар үсеше өчен бер генә булса да куркыныч факторы ачыклана. Бу сәламәтлеккә потенциаль куркынычларны иртә ачыклауның төп ысулы буларак даими тикшерүләрнең мөһимлеген ассызыклый.

Авыл халкы өчен медицина хезмәтләреннән файдалану мөмкинлеге һәм сыйфаты сәламәтлекне генә түгел, гомумән тормыш сыйфатын да билгели ала. Лаеш районында яшәүчеләр медицина ярдәме алалар һәм Лаеш шәһәрендәге үзәк район хастаханәсе поликлиникасында һәм Габишев, Комлы-Ковал, Рождествено, Столбище һәм Усад амбулаторияләрендә диспансеризация узалар. 

Республикада медицина учреждениеләренең ерак булу проблемасын «Сәламәтлек саклау» милли проекты кысаларында гамәлгә ашырыла торган «Россия Федерациясе Сәламәтлек саклауның беренчел звеносын модернизацияләү» федераль проекты ярдәмендә уңышлы хәл итәләр.

Бүгенге көндә район җирлекләрендә 33 фельдшер-акушерлык пунктында даими медицина тикшерүләре үткәрелә, аларда 35 медицина хезмәткәре һәм 16 фельдшер ярдәмчесе эшли.

Авыл халкы өчен сәламәтлек саклау системасы — медицина учреждениеләре һәм белгечләр генә түгел, ә сәламәтлекне саклауга һәм авыруларны профилактикалауга юнәлдерелгән чаралар комплексы да ул. Бу диспансеризация, вакцинация, профилактик тикшерүләр, сәламәт яшәү рәвеше буенча белем бирү программаларын һәм башкаларны үз эченә ала.

Районда кан әйләнеше системасы авырулары белән исәптә 2754 кеше тора (шул исәптән 148е диспансеризация барышында ачыкланган). Шикәр диабеты белән исәптә — 230 кеше (шул исәптән 2025 елда ачыкланганнары — 13 кеше). Онкологта исәптә — 1402 кеше.

2025 елда 192 кеше онкология исәбенә куелган (шуларның 50се Россия Федерациясенең башка төбәкләреннән һәм якын чит илләрдән күчеп килгән).

Врачка баруыгызны кичектермәгез — сәламәтлегегезне алдан ук кайгыртыгыз!