«Гаилә» милли проекты гамәлдә: Татарстанда гаиләләргә ярдәм

Ярдәм бала туганчы ук башлана һәм ул балигъ булганчы дәвам итә.

2025 елда республикада гаилә түләүләре турында йомгаклау киңәшмәсендә Татарстан Республикасы буенча ОСФРның Лаеш районындагы клиентлар хезмәте җитәкчесе Ирина Алешина сөйләде.

2025 елда 24 меңнән артык хатын-кыз йөклелек һәм бала табу буенча пособие алган, моңа 5,1 миллиард сум бүлеп бирелгән. Студентларга һәм аспиранткаларга түләүләр шактый артты һәм төбәк яшәү минимумына туры килә.

26,4 мең гаилә бала туганда бер тапкыр бирелә торган 26,9 мең сум пособие алган.

54 меңнән артык гаилә яшь ярымга кадәрге балага айлык пособие алды. Эшләүче ата-аналар өчен сумма 10,1 дән 68,9 мең сумга кадәр тәшкил иткән.

Бердәм пособие — йөклелектән алып балага 17 яшь булганчыга кадәр барлык этапларда гаиләләргә төп ярдәм. Пособие күләме, гаилә керемнәренә бәйле рәвештә, төбәкнең яшәү минимумының 50%, 75% яки 100% тәшкил итә.

2025 елда балаларга бердәм пособие күләме 14,7 мең сум тәшкил иткән, ә йөкле хатын — кызлар өчен — 16,4 мең сумнан артык. Бала туу һәм тәрбияләү буенча түләүләрнең гомуми күләме 26,7 миллиард сумга җиткән.

Бердәм пособие билгеләгәндә гаиләнең кереме, мөлкәте һәм хезмәт потенциалы исәпкә алына. Бу адреслырак якын килүне тәэмин итәргә мөмкинлек бирә.

Ана капиталы программасы балалы гаиләләргә ярдәм итүдә иң кирәкле чараларның берсе булып кала бирә. Аны эшләтеп җибәргәннән бирле Татарстанда аннан 439 мең гаилә файдаланган.

2020 елдан ана капиталына сертификатларны гаризаларсыз бирәләр. Бүгенгә республикада шундый 136,3 мең сертификат бирелгән.

Программа сыгылмалырак булды. Хәзер акчаны эскроу-счетлар белән подряд килешүе буенча шәхси йорт төзү өчен кулланырга мөмкин. Әгәр акчаның калдыгы 10 мең сумнан артмаса, аны социаль фонд аша акчалата бирәләр.

Программаның гамәлдә булу вакыты 2030 елга кадәр озайтылды.

2026 елда ана капиталы индексацияләнгән: икенче бала өчен — 963 мең сум, беренче бала өчен 729 мең сумга якын акча түләнә.

«Гаилә» милли проекты кысаларында бирелә торган ярдәмнән файдалану мөмкинлеген кулдан ычкындырмагыз.