Күк һәм җир: «Безнең ишегалды» программасы ярдәмендә ишегалды яңарту

Превью авторы Людмила Никифорова. 
Бу үзгәртеп корулар Татарстанда Рөстәм Миңнеханов инициативасы белән гамәлгә ашырыла торган «Безнең ишегалды» программасы ярдәмендә мөмкин булды.
Программада актив катнашканы өчен Рөстәм Миңнехановның Рәхмәт хаты белән бүләкләнгән йорт буенча Анатолий Афанасьев сөйли:
Менә Евгений Карсалов ясаган фоторәсемне карагыз. Безнең иске ишегалды 2008 елда шундый иде.

2024 елда безнең юлларга асфальт җәелде.

Балалар өчен уен мәйданчыгы урнаштырдылар.

Шулай ук халык соравы буенча подъездларга эскәмияләр куйдылар.

Ишегалдын үзгәртү безнең активистлар өчен зур стимул булды.
Татьяна Афанасьева, Надежда Фомина, Ирина Данилова, Наталья Александрова элек тә ишегалдын яшелләндергәннәр — чәчәкләр утыртканнар. Ремонттан соң алар моңа зур энтузиазм белән тотындылар: газоннарны кайда урнаштырырга, нинди чәчәкләр һәм куаклар утыртырга икәнен уйладылар. Менә дигән инсталляцияләр килеп чыкты!

Евгений Карсалов кырлыкура үскән җирне казып чыгарган, газон чәчкән. Сирень куакларын матур итеп кискән.
Хәзер безнең ишегалды бик уңайлы. Эштән соң киләсең дә күңелең белән ял итәсең.
Белешмә өчен:
• Матвеев урамындагы 1а һәм Гагарин урамындагы 2а йортлары активистларына "Безнең ишегалды«программасында актив катнашулары өчен Рөстәм Миңнехановның рәхмәте белдерелде.
«Безнең ишегалды» программасы халык өчен уңайлы урыннар булдыру максатыннан йорт яны территорияләрен комплекслы төзекләндерүгә юнәлдерелгән. Ул «Яшәү өчен инфраструктура» милли проекты кысаларында гамәлгә ашырыла.