Лаеш районында МХО сугышчыларына 7 миллион сумлык йөк җибәрделәр
2025 елның 31 июлендә Лаеш районында МХО сугышчылары өчен гуманитар ярдәм җибәрелде.
Иртәнге 8 дән төнге 2 гә кадәр волонтерлар, «Дорхан» заводы, район Башкарма комитеты һәм Советы хезмәткәрләре туктаусыз җиһазлар һәм материаллар төяделәр.
«Үзебезнекеләргә ярдәм» ХФ җитәкчесе Марина Порфирьева хәбәр иткәнчә, башта ике фура җибәрергә планлаштырылган иде, әмма йөк күләме күбрәк булып чыкты, һәм район башлыгы Илдус Зарипов өченче машинаны тапты. Барысы да пөхтә итеп төрелгән һәм номерланган иде.
Соңгы моментта хәйрияче квадрокоптерлар, KIT батареялары, «Таир» сәгатьләре һәм башка техника өстәде. Йөк 16 хәрби частька 24 кешегә җибәрелде: квадрокоптерлар, дрон детекторлары, ноутбуклар, зарядка станцияләре, мотоцикллар, автомобильләр, генераторлар, төзелеш материаллары, маскировка челтәрләре, аптечкалар һәм башкалар.
Йөкнең гомуми бәясе 7 миллион сумнан артып киткән. Акциядә катнашучыларның барысына да — дусларга, хәйриячеләр һәм волонтерларга — ярдәмнәре өчен рәхмәт. Аерым рәхмәтебез безнең район башлыгы Илдус Зариповка. Ул бу юлы да йөкне озата бара.
Следите за самым важным и интересным в Telegram-каналеТатмедиа
Читайте новости Татарстана в национальном мессенджере MАХ: https://max.ru/tatmedia
Нет комментариев