Район мәдәният йортында Лаеш районы волонтерларын котладылар

Бу социаль әһәмиятле бәйрәмне 2017 елда билгеләп үтә башладылар, ә махсус хәрби операция башлану белән волонтерлык эшенең әһәмияте берничә тапкыр артты. Волонтерлар — ачык күңелле, кайнар йөрәкле, авыр минутларда ярдәмгә килергә әзер кешеләр, битараф булмаган кешеләр, үз Ватанының чәчәк атуы турында хыялланучы, илебезне һәм туган җиребезне чын күңелдән яратучы чын патриотлар.

— Бөтен дөнья бүген үзләренең төп эшләреннән, гаиләләреннән һәм шуның белән бәйле мәшәкатьләрдән тыш, үзендә чын күңелдән, чын йөрәктән башкаларга ярдәм итү өчен көч һәм вакыт табучыларны хөрмәтли. Яхшылык, мәхәббәт һәм кайгыртучанлыклары чиксез булган кешеләрне. Волонтерлык-ул ярату һәм якыннарыбыз турында кайгырту белән тулы яшәү рәвеше. Сезнең бәяләп бетергесез ярдәмегез, фидакарьлегегез һәм яхшылыкка ышанычыгыз әйләнә-тирәбездәге дөньяны үзгәртә, — диде Лаеш районы башлыгы Илдус Зарипов бүләкләү тантанасында.

Кичәне алып баручы Светлана Арсютова бүген бүләкләнгән кешеләрнең исемнәрен укый башлады. Иң яшь волонтерлар мәктәптә укый, ә иң өлкәненә 92 яшь. Алар арасында укытучылар, эшмәкәрләр, табиблар, пенсионерлар, укучылар һәм мәдәният хезмәткәрләре бар. Әмма аларның барысын да Ватанга мәхәббәт һәм авыр минутларда аны саклаучыларга ярдәм итү омтылышы берләштерә.

Махсус хәрби операция барышында Россия Федерациясе хәрбиләренә актив ярдәм күрсәткәннәре өчен 23 кеше район башлыгының Рәхмәт хаты белән, ә 71 кеше медальләр белән бүләкләнде.

— Без бергәләп гаилә дип атарга мөмкин булган куәтле оешма булдырдык. Һәркем үз урынында. Без көн саен уртак файда хакына эшлибез. Һәм бу безнең егетләргә ярдәм итә һәм илһамландыра. Мондый ярдәм — кыйммәтле ярдәм, — дип билгеләде «Үзебезнекеләргә ярдәм» хәйрия фонды директоры Марина Порфирьева.

Марина Владимировна үзе белән бергә эшләгән барлык хезмәттәшләре өчен сюрприз әзерләде. Экранда бүгенге көндә МХО зонасында булган хәрби хезмәткәрләр тарафыннан язылган котлаулар трансляцияләнде. Алар лаешлыларга махсус хәрби операция башланганнан бирле солдатларга һәм офицерларга күрсәткән ярдәмнәре өчен рәхмәт белдерделәр.

Лаеш районы волонтерлары үз эшләрен 2022 елда башладылар. Бик тиз иреклеләр саны арта башлады. Хәзер алар инде 320 кеше. Һәр җирлектә мәдәният йорты, авыл клубы яисә мәктәп базасында үз бүлекчәсе барлыкка килде. Волонтерларга эшмәкәрләр, хезмәт коллективлары, битараф булмаган кешеләр ярдәм итә. Иреклеләр ике, хәтта өч сменада эшлиләр, шуның нәтиҗәсендә көн саен берничә маскировка челтәре үреп була. Челтәрләрдән тыш, безнең районда разведчиклар өчен «леший» костюмнары, толстовкалар, балаклавлар, плащ-палаткалар, тепловизорлардан сакланучы юрганнар тегәләр. Медрота өчен аптечкалар һәм медицина рюкзаклары формалаша. Автомобиль дискларыннан буржуйка-мичләр әзерлиләр, окоп шәмнәре ясыйлар. Үзешчәннәр көче белән даими рәвештә хәйрия концертлары оештырыла, җыелган акчалар «Үзебезнекеләргә ярдәм» хәйрия фондына тапшырыла.

Өйдә коры ризык әзерләүче сушистлар командасы 2023 елның июлендә оешкан. Башта яшелчәләрне үзе чистарткан, пешергән һәм киптергән алты кеше генә булган. Аннары команда киңәя башлый. Хәзер инде 40 кеше коры өй ризыгы әзерләүдә булыша.

Бу мөһим һәм искиткеч көнне сәхнәдән безнең иреклеләр хөрмәтенә бик матур музыка яңгырады. Ольга Шатрова белән Ландыш Садыйкова дуэт булып рус һәм татар телләрендә «Матушка-земля» җырын җырладылар, бу безнең катлаулы заманнарда бердәм булуыбызны күрсәтә. Сәхнәгә шулай ук Фидаил Вәлиуллин, Алия Чернова, Надежда Игнатьева, Марсель Шәрипҗанов һәм башка башкаручылар чыкты. Волонтерлык һәм иреклелек бәйрәме Олег Газмановның «Вперед, Россия» патриотик җыры белән тәмамланды.

Ә башкача ничек булырга мөмкин, без барыбыз да бер уртак эш — җиңү өчен эшлибез бит!