Сугышчан дан музее экспонатлар белән тулыланды

Мәгълүмати стендлар һәм витриналар Әфган сугышы, Чечен кампаниясе һәм Украинадагы махсус хәрби операция вакыйгалары һәм катнашучылары турында сөйли.

Экспозицияне ачуга якташларыбыз — әфган сугышчылары, «Балык тоту кардәшлеге», «МХО га ярдәм» хәйрия фондының волонтерлар хәрәкәте вәкилләре, меценатлар, район хәрби комиссары вазифаларын вакытлыча башкаручы Айрат Гайнуллин һәм район Башкарма комитеты вәкилләре килде.

Узган гасыр ахырындагы Совет һәм Россия армиясенең шәхси әйберләре, манекеннардагы заманча хәрби киемнәре, кительләре һәм баш киемнәре кечкенә күргәзмә залларының берсендә яңа экспозициядә үз урыннарын тапкан. 

Район башлыгы Илдус Зарипов музей директоры Фәридә Мортазинаның һәм хәрби дан музееның яңа тарихи битен булдыруга мөмкин кадәр ярдәм күрсәткән һәркемнең хезмәтен югары бәяләде.