Татарстан Республикасында («Волга» яшьләр үзәге базасында) Идел буе федераль округының зур хәрби-патриотик форумы башланды. Чараның төп темасы — «Юнармия» бөтенроссия хәрби-патриотик хәрәкәте оешуга 10 ел.
Форум эшендә «Юнармия» хәрәкәтенең баш штабы начальнигы, Россия Герое Владислав Головин, шулай ук округның төрле төбәкләреннән 200дән артык юнармияче һәм остаз катнаша.
Хәрәкәт авангардында: Лаеш районы делегациясе
Татарстан Республикасы делегациясе составында Лаеш районыннан түбәндәге уку йортларының юнармиячеләре катнаша:
- Юнармия йорты (Мәктәптән тыш эшчәнлек үзәге — ЦВР);
- Академик В.И. Андреев исемендәге Олы Кабан урта мәктәбе;
- Советлар Союзы Герое Б.К. Кузнецов исемендәге Лаешның 2 нче урта мәктәбе;
- «Здоровое поколение» күппрофильле лицее.
«Безнең балалар өчен мондый дәрәҗәдәге форумда катнашу — зур дәрәҗә генә түгел, ә Россия Герое белән турыдан-туры аралашу, яшьтәшләренең тәҗрибәсен уртаклашу һәм үз хәрәкәтләренең тарихына, традицияләренә тирәнрәк үтеп керү мөмкинлеге дә», — дип билгеләп үтте ЦВР директоры Марина Шастина.
Чын геройларга карап үсү
Катнашучыларга мөрәҗәгать итеп, Владислав Головин хәрәкәтнең яшьләрне тәрбияләүдәге аерым ролен ассызыклады һәм бүгенге көндә «Юнармия» сафларында туган ил чикләрен саклаучылар торуын искә төшерде.
«2026 елга безнең сафларда инде 2 миллион юнармияче. Күпләр махсус хәрби операциягә китте, Ватаныбызга хезмәт итә. Мин уйлыйм, сезнең һәрберегез өчен үрнәк алырлык кешеләр бар», — дип ассыклады Россия Герое.
Бай программа һәм яңа күнекмәләр
Форум программасына дроннар һәм планерларның күрсәтмә очышлары, стратегик сессияләр һәм белем бирү мәйданчыклары эше керә. Лаеш районы юнармиячеләре өчен бу җирле бүлекчәнең алдагы эшендә куллана алырлык яңа белемнәр һәм күнекмәләр алу өчен менә дигән мөмкинлек булып тора.
Без балаларыбыз белән горурланабыз һәм аларга форумда нәтиҗәле эш телибез!
Фотоны Марина Шастина тәкъдим итте.
Нет комментариев