2026 елда шоферлык таныклыгын кемнәр яңартырга тиеш?Татарстанда яшәүчеләр өчен мөһим аңлатма

Фото:Татар-информ»

Штраф алмас өчен әлеге процедураны кемнәр кичекмәстән узарга тиешлеген карап үтик.Канун буенча, автомобиль йөртү хокукы бирүче документ 10 елга бирелә. Бу вакыт узганнан соң таныклык үз көчен югалта һәм андый документ белән машина йөртү законсыз санала.

Агымдагы елда түбәндәге затларга хокукларын алыштырырга кирәк:2016 елда права алганнар: Аларның документларының 10 еллык стандарты нәкъ менә хәзер тәмамлана.

Автоматик озайту мөмкинлегеннән файдаланучылар: Әгәр сезнең праваның төп срогы 2023 елда беткән булса һәм дәүләт биргән 3 еллык өстәмә ташлама аркасында йөргән булсагыз, 2026 елда бу вакыт та чыкты — хәзер ГИБДДга барырга вакыт җитте.

Искәрмә рәвешендә, дәүләт 2022 елның башыннан 2025 елның ахырына кадәр срогы чыккан документларны автоматик рәвештә 3 елга озайткан иде. Сезнең таныклыкның срогы әлеге чорга туры килсә, өстәмә 3 еллык вакыт тулу белән аны яңартырга кирәк булачак.

Документны башка нинди очракларда алыштыралар?

Стандарт сроктан тыш, шоферлык таныклыгын түбәндәге очракларда да яңадан рәсмиләштерәләр:

Фамилия яки исем үзгәргәндә;

Документ сыйфатын югалтса, ертылса яки югалса;

Сәламәтлек буенча яңа медицина чикләүләре яисә күрсәтмәләре барлыкка килсә.

Юлларда күңелсезлекләр килеп чыкмасын өчен, документның срогын алдан ук тикшерергә һәм ЮИДИ (ГИБДД) бүлекчәсенә яки МФЦга мөрәҗәгать итәргә киңәш ителә.