Габишево авылында узган җирле бәйрәмнең иң истәлекле һәм кызыклы өлеше — «Теләкләр боткасы» әзерләү йоласы булды.
Гамәлгә ашырылган әлеге чара авылдашларны бергә туплады. Җирле халык һәм кунаклар бердәмлек мохитендә күңел ачтылар: дәртле җыр-биюләр яңгырады, ә уртак казаннарда махсус сый кайнады. Килгән кешеләр, ниятләре чынга ашсын дип, әлеге традицион ботканы кайнатуда һәм болгатуда үзләре үк катнаштылар.
Бу рәвешле оештырылган бәйрәмнәр безне халкыбызның тарихи үткәненә якынайта, туган төбәккә, районга һәм тулаем республикага карата горурлык хисен арттыра. Гасырлар буе сакланган кыйммәтләр аша яшь буында милли үзенчәлек тәрбияләнә һәм Татарстанның бай мәдәни мирасы сакланып кала.
Авыл мәдәният йорты фотосы.
Нет комментариев